Ilmo. Sr. Delegado Provincial da Consellería da Consellería de Industria e Comercio (Ourense)

Enderezo

Eu, ........, vista Resolución de 13 de outubro de 2000, da Delegación Provincial de Ourense, pola que se somete a información pública a petición de autorización administrativa e de aprobación do proxecto da ampliación da Central Hidroeléctrica de Peneda, (Expediente IN408A 92/2-3 A.T. modificado), solicitado pola empresa Unión Fenosa Generación, S.A.

Expoño:

• Segundo se establece no artigo número 73º do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais, (que abrangue á totalidade das augas continentais de Galicia), toda autorización ou concesión referente ó dominio público hidráulico deberá contar cun informe da Dirección Xeral de Montes e Medio Ambiente Natural, así como, no caso dunha modificación apreciable de caudais circulantes polo curso fluvial, será precisa unha determinación actualizada e xustificada do réxime de caudais naturais, así como dos efectos da detracción de caudais sobre o ecosistema acuático

Á vista do exposto, solicítolle que: 

1. de acordo coa Lei 38/1995, de 12 de decembro, sobre o dereito á información en materia de medio ambiente, me informe se o citado proxecto de ampliación supón a modificación de caudais derivados e/ou circulantes

2. me informe sobre o procedemento de valoración ambiental que se vai seguir para a autorización ou denegación administrativa deste proxecto, no que a Consellería de Industria e Comercio é órgano substantivo

3. me informe se, como órgano subsantivo na autorización/denegación desta instalación, solicitou informe á Consellería de Medio Ambiente, ó respecto das posibles afección ambientais que se poidesen xerar

Así mesmo solicitolle que me considere parte interesada neste procedemento, debido as posibles consecuencias para o medio natural, conforme ó indicado no artigo 1º da Lei 38/1995 de 12 de decembro anteriormente citada, conforme ó indicado no artigo 31º da Lei 30/1992, de 26 de novembro, así como do artigo 3º do Real Decreto208/1996, de 9 de febreiro polo que se regulan os servicios de información administrativa e atención ó cidadán

Prégolle que ma manteña informada das actuacións realizadas pola súa Dirección en relación coas consideracións que se lle comunican mediante o presente escrito de alegacións.

Atentamente:

Nome e apelidos

Enderezo

(Página principal)